邱傲然《新歌》東京拍MV

邱傲然《新歌》東京拍MV



邱傲然讚女主角日文流利

邱傲然個人單曲《新歌》封面

MV走訪多個經典日劇場景

MV中邱傲然有騷肌畫面

造訪多個經典日劇場景

邱傲然《新歌》東京拍MV

MIRROR成員邱傲然(Tiger)前日推出全新個人單曲《新歌》，今次繼續沿用合作無間的天衡一手包辦作曲、編曲及監製，並由朱凱鋒填詞，以全新音樂風格呈獻給廣大樂迷。今次MV更專程遠赴日本取景，穿梭多個大眾熟悉的經典日劇場景。

再次與天衡攜手合作，邱傲然直言感覺十分幸福：“我哋私底下一早就好有默契，所以合作過程好快就捉到彼此嘅節奏。佢好清楚我歌聲嘅Range同埋唱得最舒服嘅位置，令成個Project執行得非常順暢。”提到今次歌曲風格的由來，Range透露並非刻意設定目標，笑說：“真係純粹大家喺創意上嘅互相碰撞，從而擦出咗呢個火花，自己都好喜歡呢個作品。”

《新歌》講述一段遺憾的愛情，男主角深愛對方，卻因外界因素或現實處境而無法走到最後。為呈現最佳的視覺效果，今次MV亦是邱傲然繼主演《存酒人》後，再次與該劇導演盧煒麟(Alan)團隊合作，因為在拍攝電視劇時累積了深厚默契。揀選在日本東京拍攝，邱傲然覺得是因當地的色彩與風景優美，非常有利於鏡頭呈現。被問到究竟造訪了哪些日劇場景，Tiger想保持神秘：“我哋團隊有個共識，好想將呢個小小嘅任務交畀觀眾，睇下大家認唔認得出邊個場景，歡迎一齊討論！如果講到對我影響最深嘅日劇，真係《悠長假期》，近期我再重溫，無論係演員、音樂定畫面都咁吸引，男主角真係好有型。”

遠赴海外取景難免遇到挑戰，拍攝團隊在抵達東京首日便碰上當地颱風。邱傲然回憶：“我哋抵達第一日就撞正東京打風，攞車之後發現所有高速公路封晒，鐵路亦都停駛。好彩第一日無排拍攝行程，雖然去唔到原本嘅目的地，但最後都順利搵到地方安頓避風，唔使喺機場過夜，算係不幸中之大幸。”除了天氣因素，語言亦是另一大考驗，邱傲然笑言：“語言限制令溝通有少少難度，簡單如去便利店買件雞肉都有挑戰性！好彩今次嘅女主角日文非常流利，幫我哋解決咗好多拍攝上面嘅煩惱。”