黃妍因臉盲症放棄主播夢

黃妍因臉盲症放棄主播夢



黃妍曾經有個主播夢

黃妍因臉盲症放棄主播夢

HOY全新實況選秀節目《我要做主播》，話咁快已到咗尾聲，到底冠軍誰屬仍是未知之數。該節目有首熱血嘅主題曲《主播日記》，由唱作歌手黃妍(Cath)量身打造。

黃妍表示一聽到公司同事說有個關於主播的比賽，想找她寫主題曲，她一口答應，因為她畢業於樹仁大學新聞與傳理系：“我好明白急速但係要精準，嗰種好緊張嘅感覺。”她又專門搜集了很多關於節目的資料，在歌詞裡加入了很多參賽者的背景，她知道做主播要跟時間競賽，資料要精準，可能要調整到最後一秒，出街前一秒仍在做的奮鬥精神亦放在歌中。

出身於新聞與傳理系的她曾經有個主播夢：“讀新聞系嘅時候，好大部分同學都會向主播進發，大學三年級嘅時候有實習，主播絕對係最大競爭嘅項目，嗰陣時我就無爭到，最後去咗報社跑新聞，我跑完之後就發誓呢世都唔好做記者，因為真係好辛苦；同埋我發現我有一個好大好大嘅缺點，係好影響我要做主播或記者，就係我認唔到人。”好在做歌手主要是創作音樂，就算有臉盲症亦影響不大，平時不須要接觸太多人。

由於天生有這個臉盲症的問題，她經常會認錯粉絲，甚至將名字搞錯，幸好粉絲都明白，會主動告知自己的名字。