本澳球市愈見難做
賈大廚 |
|
| 本澳球市愈見難做 新一季甲組七人足球賽將於下周開鑼，七人賽節奏快上快落，成為澳門街最受歡迎賽事之一，球場位處鬧市中，每逢甲組賽事都吸引不少街坊到場觀戰。 不過今屆甲組七人賽只有十一隊參賽，原有三支升班馬，只有少將及太空升班，另一隊福建放棄升班；原本三支降班球隊雖獲足總挽留，亦只有加義願意留下，競技及士砵亭婉拒好意；加上前屆冠軍及上屆亞軍的聯樂今屆亦沒有報名參賽，最終只剩十一隊角逐。初賽分兩組，一組六隊另一組五隊，每組前兩名出線四強淘汰賽，今屆亦只有兩隊降班，每組包尾降班，不設護級附加賽。B組只有五隊，競爭將更激烈，因每隊在分組賽只踢四場，出線與降班可能只是一線之差。 據聞聯樂、士砵亭等老牌球隊唔止唔踢甲組，甚至連乙組亦沒有報名參賽，反映當前經濟環境下，缺乏有心人願意投資。畢竟澳門足球多屬業餘性質，不要說有盈利，做到收支平衡亦非常困難，即使搵到贊助亦只能幫補一下，基本入不敷支。甲組球隊要有成績，外援幾乎是“標配”，請外援就涉及費用，即使本地球員唔收出場費，球隊食飯飲水都要錢，一季踢幾場波需一定開銷。若缺少班主支持，實在難以營運，今屆少了甲組球隊參賽，證明本澳球市愈來愈難做，希望只是個別例子，唔會影響其他有心人對大球的投入。 賈大廚
|