陳曉華分享穿搭哲學

陳曉華分享穿搭哲學



陳曉華自爆買衫風格兩極

陳曉華分享穿搭哲學

藝人陳曉華(Hera)日前出席時裝品牌活動，大方分享個人購物習慣，還自爆買衫風格兩極，但未有失控“瘋狂購物”。她說：“唔會六位數買衫，至於舊衫就會捐出去，今年年初已經捐咗兩大袋冬裝同春裝，唔會浪費。”

Hera亦在活動上大談其獨特的穿搭哲學，自言在穿着上屬於“勇於嘗試”一類的她，特別喜愛將不同質感的服飾混搭，理念與大會時裝品牌不謀而合。陳曉華分享道：“我個人比較忠於自己，好鍾意揀一啲異於常人會着嘅衫。例如着一條好女仔嘅絲質裙，但會襯一件好型嘅冷衫，令到個對比好大，呈現一種‘剛柔並重’嘅感覺。”她笑稱自己的衣服主要分為“極具女人味”及“非常男仔頭”兩大類型，平時最享受將兩者MixandMatch。

提到早前出席劇集宣傳時遇上狂迷，被網民大讚冷靜得體，陳曉華直言當時並冇被嚇倒：“我冇嚇親，亦都冇話驚慌。因為當時最主要係諗點樣可以平息到呢件事，好擔心會唔會有身體碰撞、會唔會有人受傷，好彩當時都冇。最緊要大家安安全全、身體健康，希望下次見到大家時都可以帶住愉快嘅心情。”