梅媽進退兩難
高梁 |
| | | 
|
梅啟明被指
一生靠梅媽養
|
| 梅媽進退兩難 孝子梅啟明，聲言花一百五十萬為梅媽風光大葬……。曾有爭屍爭產經驗的鄧兆尊，直指他發噏風：“手上要有死者的身份證，才能夠取死亡證；沒有死亡證，爭殮葬，爭產……，講乜都冇用，嘥氣。” 鄧兆尊進一步分析，即使梅啟明想挑戰遺囑，也必須推翻遺囑的有效性。例如，證明梅媽在簽署時神志不清，否則一切徒勞。 梅啟明聲稱，一直被阻撓探望母親……“你唔見咗阿媽，香港地方咁細……。”鄧兆尊坦言：“你阿媽成日喺銅鑼灣行來行去，我都撞見佢幾次……。”懷疑梅啟明爭辦梅媽喪事，為搶帛金，搶老媽子遺產。“個基金佢郁唔到，咁，爭梅媽份遺產，以為阿媽儲埋好多，因為佢每個月有二十五萬生活費……。” “不過，我話你聽，冇可能”，鄧兆尊高於經驗：“登晒報紙脫離母子關係。”更嘲諷地說，若有心行孝，不會等到母親過身後，才來“爭辦喪事”。 侈言豪花一百五十萬為梅媽風光大葬，更信誓旦旦重申自梅艷芳離世後，“冇用過阿妹一分一毫”；又踩被他拋棄的元配Joey冇資格做老婆……。 “佢係咪冇食藥呀？佢至少用咗五十年”，Joey跳出來，狠狠打臉前夫梅啟明：“佢從來冇做過一份固定工作，只係做‘全職兒子’。追債上門是常態，梅媽逆佢意思，梅啟明就會大發脾氣，要生要死，多次醉酒返家踢門；所以梅媽叫我帶我個仔返大馬，唔好嚇親細路，其實，梅媽都係進退兩難……。” 匪夷所思，梅啟明聲稱睇到梅媽遺體“個口會郁”，遭網站主持人潘小文破口大罵：“我心諗，你個×街，如果你阿媽個口識郁，即係未死，唔嗌護士？我懷疑梅媽個口郁，係想鬧你個衰仔。”靈異角度幽默解釋。 後記：梅媽生前友好透露，“後事早已處理妥當完事口架啦！”……梅啟明仍然咬住不放，“佢唔知，不知者不罪啦。” 高梁
|