黃妍行富士山險遇高山症

黃妍行富士山險遇高山症



黃妍同蘇詠淳一起表演

黃妍行富士山險遇高山症

數碼音樂平台MOOV邁入二十周年，宣佈自今年六月起於圓方舉行多場《MOOV20MusicStation》現場音樂企劃，第六場邀請歌手黃妍擔任嘉賓，更邀請蘇詠淳登陸MusicStation舞台。現場黃妍獻唱《派對後派對》、《枇杷》、《其實我不是那麼的純情》、《福來的日子》，用歌聲為MOOV20周年熱烈慶祝。每次《MOOV20MusicStation》均吸引樂迷圍觀，期待歌手到場分享音樂世界。上集嘉賓梁釗峰考驗“舊拍檔”記性，未知黃妍有否記得二人合作過舞台劇的角色名字：“我梗係記得佢當年嗰個角色名啦，我記得當年大家合作日日都排練，我哋成個團隊好似家人咁，完騷後都會約出嚟食飯。”

活動開始前，蘇詠淳率先為節目打響頭炮，即席獻唱《踏空氣的人》令歌迷如癡如醉：“依家仲未習慣收到粉絲嘅信，佢哋會好直白咁樣話鍾意我啲歌，多謝大會同黃妍畀機會我參與呢次演出。”其後黃妍登場分享音樂世界，仲好sweet咁走近歌迷表演，逐一同佢哋擊掌。提到早前“征服”富士山，黃妍表示完成一大成就：“呢個係人生嘅成就，意志同耐力嘅消磨，好辛苦同好感動！行上去嘅時候不停畀教練鬧我行得太大步，因為咁樣好易有高山症，後來我慢下來跟教練行，感受大自然之下嘅渺小，領悟人生嘅道理。”