ROVER新歌四子包辦曲詞編監
|
| | | 
|
卓金樂被曱甴嚇到即回港
|
| | 
|
雷濠權首次踏足長洲
|
| | 
|
樂隊ROVER到長洲拍MV
|
| | 
|
ROVER新歌《白日夢之旅》封面
|
| MV長洲取景半夜逃回港 ROVER新歌四子包辦曲詞編監 樂隊ROVER成員亨仔（陳鎮亨）、Kim（卓金樂）、希晉（王希晉）及Jason（雷濠權），推出全新單曲《白日夢之旅》。今次四位成員展現極高創作自主度，全團一同包辦曲、詞、編、監重任。 新歌《白日夢之旅》以白日夢為核心主題，並以水的四種形態——雪、雲、霧及雨，比喻四人雖然性格各有不同，但追求夢想的本質依然一致，陪伴每一位在現實與夢想之間掙扎的追夢者。除了音樂上的突破，四位成員今次更首次齊齊擔當MV監製與導演，將最真實的私下相處日常呈現給觀眾。 談到新歌創作靈感，Jason坦言社會往往對追夢的人帶有偏見，“會想用白日夢做呢首歌嘅主題，係有好多人會覺得我哋追緊夢嘅人，其實都係發緊白日夢或者發明星夢。其實喺個白日夢入邊，係咩都有可能會發生，可以做啲估唔到會做到嘅事，又或者係有啲意想不到嘅結果。” 除了音樂概念特別，今次MV拍攝對ROVER來說更是一次全新嘗試。Kim說：“覺得今次拍MV同埋首歌嗰個題材都好特別，去拍我哋玩嘅過程，而唔係一啲好嚴肅嘅嘢，呢一個主題我哋都係想做好耐，所以今次建議由我哋自己操刀。” 為了提高參與度，成員亨仔首次擔任MV監製。在挑選拍攝地點時，亨仔建議大家一起到長洲取景。首次踏足長洲的Jason笑言非常新鮮：“亨仔建議不如我哋去長洲，咁我就真係第一次去長洲！今次去到長洲覺得所有嘢都好有標誌性，長洲有少少似澳門嘅Feel，大家嘅節奏比較慢啲，係一個好適合發白日夢嘅地方。” 自從去年拍攝團綜及遠赴台灣拍攝MV後，四人已有一段時間沒有一齊過夜。正當大家滿懷期待以為今次可以趁長洲取景，重溫兩日一夜之旅，豈料在民宿休息時遇到突發危機，竟徹底破壞了這個美好計畫！Kim說：“返民宿休息時，點知有隻半隻手掌咁大嘅曱甴！搵來搵去都唔知佢匿埋喺邊，我哋最後鼓起勇氣，同公司講我哋都係買船飛返香港。”
|