梁非同驚喜演粵劇《鹿鼎記》
|
| | | 
|
王潔清、梁兆明、梁非同等人谷新劇。
|
| 梁非同驚喜演粵劇《鹿鼎記》 昨日，梁非同、梁兆明、梁振文、王潔清、廖國森及阮德鏘等粵劇名伶，出席東華三院慈善粵劇專場《鹿鼎記》（改編計劃）記者會。是次演出並為“東華三院樂怡癌病治療資助基金”籌款。今次是金庸經典武俠巨著《鹿鼎記》首次改編成粵劇版本，由梁兆明演康熙、梁振文演韋小寶，梁非同則飾演雙兒。 提到今次再跟梁振文合作，梁非同指與對方是演藝學院的同學，而且已合作過很多次，所以都有默契。另外，梁非同的劇團繼《夢說紅樓》後明年將會在西九再演出《紅樓夢回》，現在正籌備中：“不論《紅樓夢》定《鹿鼎記》，因為大家太熟悉故仔，同埋人物塑造太經典，大家心中已經有個印象，要畀人哋有驚喜同做到有説服力，都係一個挑戰，自己要努力去做。” 梁非同今次在劇中飾演雙兒，她表示好開心，因雙兒是韋小寶最信任的人，而今次亦是新嘗試：“傳統戲曲本身就係武術或者武俠嘅嘢，大家都係一啲古代嘅設置，我覺得係好玩嘅，小説嘅文本，同埋戲曲劇本個格式同時間性都係好唔同。”至於難度方面，她指因為是《鹿鼎記》小説，而小説的文體記載跟戲曲文本是不同的，拿捏上都有難度。
|