道不同不相為謀
高梁 |
| | | 
|
許冠傑書
函致悼舊友
|
| 道不同不相為謀 “鬼馬詞人”黎彼得因病辭世，以前最佳拍檔，如今不是最好朋友的許冠傑，故舊難忘，書函致悼：“Peter，一路好走！多謝您為香港樂壇創造出無數精彩的作品。你的歌詞通俗而不低俗，打雀英雄傳的傳神，世事如棋的通透，梨渦淺笑的深情，浪子心聲的豁達，我的音樂路上感恩有您！” 黎彼得和許冠傑，由一九七六年的《半斤八両》專輯，至一九八二的《難忘您·紙船》，共合作七張專輯，歌詞內容生鬼兼貼地，受到不少樂迷歡迎，孰料合作七年便拆夥。 最佳拍檔拆夥，出現羅生門。“佢太太唔想我出現”，黎彼得生前爆料：“因為晚晚同個男人一齊在屋企通頂”，阿Sam亦有時話：“我老婆又投訴，今晚又同你一齊……。”黎彼得在《玖噏秘笈》也曾談及與許冠傑恩怨，通宵作詞，艱辛提煉，飲紅酒抽雪茄提神……。 “有傳，阿Sam老婆同朋友講，呢個損友教到佢老公飲紅酒又食雪茄。關我鬼事咩。”又傳有人話阿Sam老婆唔係人，係鬼婆（美國人），“又話佢老婆唔Like我，外人鬼知咩”。黎彼得鬼馬釋疑，誰知真與假：“阿Sam老婆不知幾鍾意我，成日整牛扒畀我嘆。我講英文OK，所以，我哋溝通冇問題。” “許冠傑對朋友都好，佢平時都係夾下Band，冇乜娛樂……。”黎彼得生前自己講，對阿Sam的恩怨，果然天大分歧——“阿Sam好享受陽光海灘，我就好憎陽光與海灘，所以，我哋唔係唔啱，大家道不同不相為謀，並唔代表有敵意，總之各自修行，各自精彩。” “六嬸三太公，大家開檯啦，面似蓮蓉，又放工，打餐懵，圍埋砌幾圈，論呀論英雄。”祝黎彼得一路好快樂。誰、誰是大英雄？ 高梁
|