馮素波周五開騷兼慶生

馮素波周五開騷兼慶生



馮素波近日忙於為開騷排練

湯怡要學波姐多抄醫生牌

馮素波周五開騷兼慶生

馮素波（波姐）、湯怡、戴耀明前日早上現身香港藝術中心，出席香港糖尿聯會三十周年拍攝的微電影《腰豆》首播活動。波姐表示自己屬於“得閒就會同醫生溝通”類型，電話簿中有各科醫生的號碼，唯獨沒有今日出席活動的腎科醫生，於是順理成章“抄牌”，十分好笑。

波姐接受訪問時透露，經過今次拍攝，令她知道糖尿病有機會引發腎病：“身體係自己嘅，雖然話自己最清楚同了解，但出現一、兩次問題時，都係最好去搵醫生，唔好諗住有僥倖。”將在本月七日舉行《峰波情未了3.0之八十後存在演唱會》的波姐，開騷當日正是她的八十二歲生日正日，波姐表示已在密鑼緊鼓排練，又呼籲未買票的觀眾切勿錯過演唱會。

有份參與《腰豆》拍攝的湯怡向來“唔舒服就瞓多啲”，如非必要都不會去睇醫生，但經過今次拍攝，明白有時睇醫生是必須的，亦會學波姐多抄醫生牌，因為識人好過識字。她說：“依家開始儲定，大家做個朋友仔，一定冇壞。”踏入暑假後，身為媽媽的湯怡笑言近日最大的考驗是如何安排女兒“放電”，她說：“因為近半個月又打風又落雨，好多室外活動都做唔到，依家同佢諗住砌一個好大嘅Lego樂園，已在施工，另外都計劃緊去旅行，要有陽光與海灘。”