十年 · 愛回家

十年 · 愛回家

高梁

《愛 · 回家之開心速遞》快將結束

十年·愛回家

十年人事幾艱辛，才有十年人事幾番新：《愛·回家之開心速遞》，高唱驪歌，壓陣老將劉丹，牽腸掛肚的：外孫“金城安”……。

“周嘉洛初入行時，經常被導演鬧。”劉丹回味前塵：“有時，我睇唔過眼，出聲勸導演……。導演靜靜鷄同我講：呢條口靚仔好鬼醒目，掂嘅。要逼吓佢，提升潛質，佢有進步，我怎會再鬧佢。”

“周嘉洛眞的好醒，抵佢紅。”見後輩進步，劉丹老懷大慰，坦言：“我初初叫佢口靚仔，之後，叫他嘉洛，現在，叫他嘉洛哥；有人話應該叫爺，我話唔得，咁，咪同我同輩囉！”

難得有一套劇，這麼多人，連續合作十年，關係一直和諧融洽，感覺如一家人。“最懷念，每天早上在化妝間，大妹與二妹叫‘爸爸早晨’。大妹熊尙善（滕麗名），對老竇好好，我有甚麼要求，她第一個帶頭先做；二妹熊若水（呂慧儀）性格嗲啲。現實中，她們性格一樣，成日‘撞啡’——我日日要飲咖啡，經常各自買多一杯，眞係當我老竇，你話我個心幾Warm呢。”

不要以為多老婆就好，千祈唔好制……。“大龍生”羅樂林，難忘劇中兩個老婆的折磨。“最好一夫一妻，我就一個女人都搞唔掂，如果仲要兩個老婆，多多錢我都唔制，幾靚都係假。”

有錢、有面、有權、有女，劇中頣指氣使的大龍生，羅樂林經歷了十年代入其中，大呼頂唔順：“大龍生唔係人，仔女有事唔理，個女捐肝當無嘢，舅仔KC（區瑞偉）去橙不忍島，帶橙過關要槍斃，咁嘅長者老竇有乜可能。”

提到“三太白天鵝”，羅樂林直言，頂唔順樊亦敏把聲，“不停叫威哥，仲要我用來做電話鈴聲，我話唔好搞。”綽號“囉囉孿”的羅樂林，粉絲已忘記他的眞名，只叫大龍生。劇斷絲還纏。

高梁