高海寧叫馬明介紹男友

高海寧叫馬明介紹男友



高海寧同馬國明谷新劇

高海寧叫馬明介紹男友

高海寧（高Ling）、馬國明、郭柏妍、陳曉華、黃智賢及何沛珈等，日前到觀塘出席劇集《夫妻的博弈》宣傳，劇中遇上渣男的高Ling，慶幸現實中未曾遇過。劇集早前已內地播映，高Ling說因為劇情吸引，大家睇時都好投入，反應亦很好：“觀眾覺得我演嘅為角色好慘，之後反轉人生又睇得好爽，加上劇中飾演小三嘅郭柏妍又因為太可愛，觀眾又嬲佢唔落。”她笑言拍完劇集後，可以學識一個女仔點去辨別渣男：“我拍完之後先知，渣男對每位女仔都好好，永遠媽寶，尊重媽咪係好，但恰女朋友就唔好，咩事都靠女朋友就唔好，做晒所有唔好嘅事。”她慶幸現實中未遇過渣男。

馬國明大讚飾演渣男的張頴康：戲中阿康去得好盡又搞笑，係佢先carry到角色，佢都好想嚟宣傳，但撞咗有工作，未來宣傳見到佢一啲都唔出奇。”高Ling自誇雖然尚未嫁，但具備做女朋友及老婆的條件：“我好適合做女朋友及老婆，由女朋友過渡到老婆，我自己覺得係咁，所有人生經驗都喺劇經歷晒，我都有叫馬國明介紹男朋友。”馬國明說身邊的男性朋友都已婚：“條件唔好嘅都唔敢介紹，一定要精心挑選，高Ling唔需要好有錢或靚仔，以佢既嘅質素唔可以亂介紹，無理由屈就佢，至少人品好有愛心（似你咁好？）我都未必（高）攀到。”