陳家樂唔介意：老婆有聲色藝

陳家樂唔介意：老婆有聲色藝



連詩雅逆天長腿吸睛

家樂出席保健產品活動

陳家樂自爆肝腎有問題

陳家樂唔介意老婆畀人睇

觀眾聚焦連詩雅長腿

陳家樂唔介意：老婆有聲色藝

陳家樂昨日出席保健產品活動，即將踏入四十歲的家樂，坦言每年都會定期做身體檢查。家樂表示，現在人大了會更注重養生，尤其是決定要生小朋友之前，就覺得一定要顧好自己，先至可以有能力去照顧屋企人。

陳家樂受訪時指出，因為年輕時捱夜多，雖然現時都頂到，不過就要用好多時間去回復，回復完都覺得好傷。他自爆，除了肝曾經出現健康問題之外，還有腎都曾經有毛病：“因為我之前有試過生腎結石，都有食一啲保健品嘅，我腰就OK。”

記者提到他有份參與拍攝電影《一九七一》，家樂指自己戲份已經完成，但未有透露太多，只能講角色是有別於以往，而且是前所未見：“我個角色有特長係跳舞，事前都訓練咗一段時間，因為跳舞係人生嘅弱項，事前有同陳太（連詩雅）一段齊去學跳舞同拉筋。”

陳家樂笑言，拉筋過程並不浪漫，反而好痛苦，因為要太太和老師一人撳住一條腿來拉筋。記者問到現在是否已做到一字馬，他笑說：“梗係唔得！”他又指太太都表示好奇怪，為甚麼一些容易做到的動作，他卻要出盡九牛二虎之力才做到，幸好有老師講解，男女的生理結構是不一樣的。

另外，連詩雅近日為《中年好聲音4》擔任嘉賓，不過網民的焦卻落在她的長腿上，家樂笑言都不是壞事，因老婆有聲色藝。記者問他最欣賞老婆哪一方面，他即笑指是“內涵”：“我都好鍾意佢唱歌，真係有比較有傷害，我唱歌個女唔聽，但媽咪唱歌就聽，其實我都唔差，可能媽咪一直陀住佢，所以有特別感覺。”