馮允謙爆與細佬和平“分居”

馮允謙爆與細佬和平“分居”



馮允謙舉行英文專輯簽唱會

大批粉絲無懼風雨到場支持馮允謙

馮允謙爆與細佬和平“分居”

馮允謙前日在一號風球下，於商場舉行首張英文專輯《ANOTHERSHADEOFBLUE》簽唱會，大批粉絲無懼風雨到場支持，逼爆商場。

簽唱會上，馮允謙(Jay)除演繹專輯歌曲《Breakyourheart》及《Easyas1,2,3》外，並與一眾粉絲大玩遊戲，又送上簽名及即影即有合照，炒熱全場氣氛。他表示感恩一班歌迷到場支持，記得當年第一次在九展開騷又是遇上風球，當年是八號風球。

談到首次推出英文專輯，銷量可有壓力？馮允謙坦然香港普遍是聽廣東歌，所以銷量未必會多，幸好推出了兩個星期，已登上銷量榜第一位。將於二十七日推出彩膠碟，他笑言本身有儲黑膠碟，但屋企就沒有唱盤，因為屋企細沒有地方擺放。

一直與孖生細佬Tim同居的馮允謙透露，與弟弟已“分居”一年多，他說：“因為做音樂需要平靜嘅環境，而細佬做KOL好多時客人都會送禮物嚟屋企，每兩、三個鐘就有人撳門鐘，要收貨，我一向都有話佢，但我自己都成日喺屋企大唱歌，所以我哋和平分開。”