米雪澄清被“抽水”傳聞
高梁 |
| | | 
|
“美魔女”米雪
|
| 米雪澄清被“抽水”傳聞 短片瘋傳，古稀美魔女米雪，酒樓飯局遭騷擾，持酒杯中年男子，擠近米雪身邊，做出聞髮、搭肩等舉動。米雪看似神情驚慌，狀甚尷尬……。網民心疼，紛紛留言：“七十歲承受咁嘅嘢，好過分！” 網民紛紛鳴不平之際，“我唔會畀人蝦到！”米雪回應。“抽水”短片曝光，米雪看後，從容不迫澄清：“我唔會畀人揩油，唔會畀人搵着數……，我唔係弱質女流，我打女嚟口架嘛！我其實都打得口架，眞口架！”米雪安撫擔心她受傷害的粉絲，表示：“大家唔使擔心，呢個係我朋友……。” 酒樓當衆被揩油，米雪澄清箇中眞相：“呢個並非陌生人，係我朋友……。當時呢，有歌手唱緊歌，好嘈，我朋友低聲同我講嘢，我亦知道，點樣大聲嗌都沒有用。我就話‘返去電話聯絡，電話聯絡呀’，就係咁樣。”米雪一再強調，男方舉動，並非網民想像般的“抽水”或者“騷擾行為”。 睇起來，眞係有“搭膊”、“聞髮”噃，“哈哈哈”，米雪大笑：“我一向潔身自愛，懂得分辨益友，並會與不好的人保持距離，‘寧願多個朋友，好過多個敵人’”。 足球名將尹志強，辭世已十六年，凍齡美魔女米雪一直單身，會否感到寂寞？“冇喎。”米雪坦言：“拍戲係我副業，其實我係半個社工，不是單身，係多身，許多朋友好鍾意同我講嘢，我係拉鏈嘴。我又冇家庭，朋友話，明天去台灣、美國、返大陸玩，我又隨時奉陪……。” “眨眼十幾年，好快！”米雪慨然言之：“從不覺家中缺少甚麼，反而覺得時間總不夠用，一日四十八小時最好，我助手最慘，話要辭職。” 高梁
|