陳山聰陳展鵬首赴越南開騷
|
| | | 
|
陳山聰與陳展鵬擁有大批越南影迷
|
| 陳山聰陳展鵬首赴越南開騷 兩大視帝型男陳山聰與陳展鵬，兩人主演的劇集一向紅遍海外，原來在越南也擁有大批忠實影迷，日前兩人齊赴越南開騷。 一向走在潮流尖端、視“貪靚”為終身事業嘅陳山聰，今次登台造型絕對冇令人失望。佢特別挑選咗一套全白西裝上陣，一出場已宛如“白馬王子”降臨，型格十足！山聰全晚心情大靚，在台上瘋狂向觀眾“派心心”，實行用電眼迷倒全場。唱到興起之際，更大方走落台下與粉絲近距離互動。此舉頓時令全場陷入瘋狂狀態，熱情的越南粉絲隨即一擁而上，將山聰層層包圍，一度引起全場哄動，足見佢喺當地嘅超高人氣。 提到今次跟展鵬首次合作開騷，山聰說：“其實我同展鵬合作過好多電視劇，但今次一齊做音樂會真係第一次！大會仲專登搭咗個四面台畀我哋兩個。我哋拍劇已經好有默契，估唔到原來唱歌都一樣咁合拍，連我哋自己都好期待下一次嘅演出。” 兩位型男由電視熒幕鬥到音樂舞台，不僅展現了成熟的男人魅力，更用歌聲征服了越南觀眾。大會更隆重其事，精心打造了四面舞台，讓兩位視帝可以全方位發放電力。
|