吳諾弘喜與波姐再合作

吳諾弘喜與波姐再合作



吳諾弘小時曾和波姐合作過

劉沛蘅與黃妍一見如故

吳諾弘喜與波姐再合作

由洪天明、陳柏宇、劉沛蘅及黃妍主持的《嫲嫲飯飯》，現正於HOY熱播當中。節目邀來不同的星級嫲嫲亮相。當中包括有“大眾嫲嫲”之稱的馮素波，還有她的“哎呀孫仔”香港男子花劍隊代表吳諾弘。

吳諾弘小時候已經和波姐合作過，今次有機會再同波姐拍節目食飯好開心。他還笑說要開個群組，找回當日和波姐合作過的童星，一起吃餐飯聚吓舊。講到他的隊友蔡俊彥正式加入樂壇，吳諾弘坦言都有想過：“我覺得我自己都可能有呢方面嘅打算，但係點都要等到退役之後，不過都係順其自然，因為娛樂圈都好講求實力同埋運氣，都係要好好裝備自己先。”

嘉賓主持黃妍雖然和劉沛蘅第一次合作，不過她們一見如故。黃妍表示拍攝得非常開心：“我好鍾意聽人分享，今次仲有美食，可以食到嫲嫲嘅美食係開心嘅。我同婆婆就比較親啲，佢未離開嘅時候，已經患上失智症，同佢傾計嘅時候，佢好似活喺佢自己嘅時空裏面，好多時都溝通唔到，狀態就好似我哋浸喺海底，我哋好努力咁樣同對方講嘢，但係都溝通唔到。所以幾年前我寫咗首歌《無聲浪》，當時感覺都會難受，我要鼓起勇氣先至敢問佢，記唔記得我係邊個。”