吳偉豪胡敏芝快閃街頭宣傳

吳偉豪胡敏芝快閃街頭宣傳



吳偉豪：奸角演得很爽

胡敏芝讚吳偉豪好陽光

吳偉豪胡敏芝快閃街頭宣傳

吳偉豪與胡敏芝昨日到觀塘為劇集《非份之罪》進行街頭快閃宣傳，吸引一班粉絲冒雨支持，令他們有點感動。

吳偉豪在單元《危險遊戲》中飾演奸角，他笑言很爽：“我表面上做到好似係為你好，但其實我心底裡係有自己嘅私心，係為咗自己而做咗好多事，所以我覺得咁樣反而係最壞、最跩。雖然角色衰格，但我冇偶包，演得好爽，好享受。”他坦言現實中或多或少都會遇到這類人，所以都可以將自己身邊好多不同遭遇，不愉快或不太理想的事，盡量抽出來擺在戲內。

另外，他表示處境劇《愛·回家之開心速遞》全劇已拍完，前日一班演員入錄音室唱歌，有少少要Rap。有演員冇份錄音，他表示：“因為部劇太多人了，未必安排到每個人都有，所以每人只可以唱少少，算係有個小小彩蛋，唱歌不會難倒我，但會緊張。”

問到胡敏芝戲外的吳偉豪跟戲中角色可相似，她大讚對方：“我覺得同劇中角色唔似，現實佢係好乖同陽光。”她又笑言現實中都會鍾意壞男人：“好似有少少吸引力，但只可以少少壞，唔好做傷天害理。如果外表比較壞但內心善良都好吸引，我喜歡反差比較大。”