陳瀅自爆愛打機女神變宅女

陳瀅自爆愛打機女神變宅女



陳瀅與港式懷舊藝術品打卡

陳瀅自爆愛打機女神變宅女

陳瀅日前出席始創中心“機動狂熱　·　港式情懷”活動，與港式懷舊藝術品打卡，還與AI人型機械人一齊跳“鯊魚舞”互動！陳瀅笑言講懷舊會先諗起港式美食，仲要講唔停口，認真識食：“香港真係有好多美食，係由好多年之前到依家，都依然有好多唔同版本嘅。例如可能蛋撻啦，又或者老婆餅啦，即係呢啲都已經係好多年之前已經做出來嘅。咁到依家可能又會有個摩登（現代）版。”

陳瀅表示以前暑假都會約朋友行街，仲會約埋家人齊齊購物。當日現身商場活動“重遊舊地”，勾起佢昔日回憶：“我以前讀小學嗰陣，每年夏天我都會返嚟香港探親戚朋友。咁蹺有屋企人住喺呢個商場附近，所以每逢暑假都會成日約表姐、表哥一齊玩。當年呢度有好多遊戲攤位，玩完就上去買文具準備開學，今日返嚟真係好懷念、好多回憶，如果可以喺呢度約返佢哋就更加好。”

當日活動主題為機動狂熱，陳瀅自爆是動漫迷，打破“女神”形像：“細細個我就好鍾意打機，之後去識玩、打愈嚟愈多遊戲嘅時候，我唔會玩啲‘好女仔’嘅遊戲，一定唔係啲‘養寵物’Game，反而劍擊、動作、甚至機械人對戰會仲啱我玩。”