鄭秀文答謝會尾場感動灑淚

鄭秀文答謝會尾場感動灑淚



黃子華為Sammi大開金口講棟篤笑

鄭秀文穿上拖尾服裝演唱《終身美麗》

黃子華彈唱新版《終身美麗》冧爆Sammi

林建岳、《夜王》導演及演員捧Sammi場。

黃子華唱新版《終身美麗》

鄭秀文答謝會尾場感動灑淚

鄭秀文(Sammi)前晚在啟德主場館舉行“答謝會”尾場，壓軸嘉賓“歡哥”黃子華，全場驚喜。老闆林建岳、《夜王》導演吳煒倫、“Ace”何啟華、“葵芳”蔡蕙琪、“煲煲”楊偲泳、“結衣”麗英、“MiMi”廖子瑜和“太子峰”盧鎮業等捧場，VIP區星光熠熠。

昨晚Sammi繼續盡力演出，以多款全新造型亮相。期間播出電影《夜王》片段後，她穿上漂亮的白色長裙出場演唱新歌《隕石與地球》。她表示以新歌比喻戲中“V姐”與“歡哥”的愛情，說：“歡哥對V姐無條件嘅愛，兩脅插刀，有事即刻衝出嚟救駕，令我好感動。唔知今晚V姐有急難，歡哥嚟到會係點呢？”黃子華升上台，全場尖叫！

黃子華表示沒甚麼表演，只想發表感想：“Sammi，我覺得依家香港最威係你，大家知道以前喺香港最威水，就係紅館開演唱會，依家最威水喺啟德開演唱會。但你有資格同大家講，喺啟德開演唱會算係乜，喺啟德開過答謝會呀。”更搞笑率領全場承諾“我哋一定唔會淋紅油”。

以往黃子華棟篤笑傳統被觀眾嗌“回水”，今次他反叫觀眾“回水”。他說：“大家睇吓張飛寫乜，冇違反商品說明條例?！You&Mi，有你哋（觀眾）又有Mi(Sammi)，前兩日佢仲有劉德華坐車巡迴繞場一圈，每人畀返一半現金掟上嚟。”全場爆笑。子華爆料指Sammi對金錢沒有概念，她拍戲萬歲請食雪糕，索性租一個雪櫃，百人劇組每日任食，毫不吝嗇。認為她好心有好報，值得大家愛戴。

已“金盆(口浪)口”的黃子華，前晚為Sammi大開金口，表演長達十七分鐘棟篤笑，並以結他自彈自唱二創《終身美麗》，歌詞勁冧，氹得Sammi好開心。Sammi感激子華義不容辭，說：“我真係好多謝子華，拍完大通宵，眼又生瘡，我真係好感動，為我絞盡腦汁度咁多嘢，呢個拍檔真係唔話得，子華係我在公在私都好欣賞嘅人。”答謝會尾聲，鄭秀文終忍不住流下眼淚，鞠躬多謝觀眾大愛與包容、老闆與公司的支持。安歌環節，Sammi穿上她最敬重嘅造型師TomasChan設計的長長拖尾服裝出場演唱《終身美麗》，為一連三場“答謝會”劃上完美句號。