樊亦敏自揭婚姻恐懼

樊亦敏自揭婚姻恐懼

高梁

樊亦敏選擇單身

樊亦敏自揭婚姻恐懼

《愛·回家》臨尾好吃香，“三太”與“大龍生”離婚，網民大喜，“早就應該離婚啦，都唔知呢個老嘢有乜咁好……”劇中獲大龍生寵愛，現實中卻選擇單身……。

“與宗教無關，我希望遇到的伴侶同自己價值觀一致。”樊亦敏坦言：“曾獲人求婚，大家自細就認識，佢話，我從未求過婚。你又未畀人求過婚，要試一次。”

“我話，我唔會應承你。”樊亦敏自爆多年前求婚秘辛：“年輕時相遇，對方準備生十個仔，但，我的身體根本無法生育。而你係獨子，後面有一大堆神主牌等你繼承，咁，不如你趁年輕搵個生得嘅結婚啦。”樊亦敏認為大家理念不同，自己健康問題怕嚇到人。

樊亦敏的緋聞很驚人，佢自己講，有次，與有意思的男友食飯，突然哮喘發作，令致對方在餐廳呆等半小時。“自己匿咗入洗手間，坐在地上唞氣，咖喱飯嘅香料，全部清光。半小時後，冇事，出返去，男方一定覺得你古怪，是否同另一位男朋友講電話？”

“關於感情，我係有恐懼，”樊亦敏直言有陰影：“因為爸媽離婚。試過一次發噩夢，夢境係酒店咖啡室，跟同學HighTea，對方恭喜我，‘你就好啦，結咗婚，去邊度蜜月呀？唔信？睇你手上隻戒指？’我即時扎醒，彈起身，全身飆冷汗。”

“三太”白天鵝，身家豐厚的樊亦敏，宴請《愛·回家》台前幕後豐富午餐，慶祝三大喜事：樊亦敏生日、楊明結婚，還有“豪仔”李泳豪YouTube頻道突破十萬訂閱。前輩李家鼎身體健康，亦是慶祝的原因。散水宴，舊情依依……明天會更好啦。

高梁