專利無數電磁王
西門公子 |
|
| 專利無數電磁王 百七年前，有奇才降生。老竇、外公皆東正教神父，然此公唔信神靈，只信科學。科技界畀佢搞，愛迪生亦惧佢三分。愛迪生去世時，係佢夠膽揭其陰私；就連愛恩斯坦相對論，佢亦敢抬槓。 此公天生聰敏，不必紙筆演算，能心算計出微積分，老師以為佢作弊；工程唔畫圖紙，埋架就搞掂。佢畢生玩電與磁，發明專利數唔晒。係佢最早提出旋翼機概念，日後美國真造出魚鷹式旋翼機；佢諗過要搞電磁炮，今日各國皆效法，佢至係祖師爺。 此公終身不娶，乃不想與女性親近消耗“精力”，影響研究。故晚年居無定所，只居酒店。又因欠租而頻頻搬遷，最終於酒店鬱殁。 然此公對電磁科學貢獻之大，乃至度量衡國際單位制亦以此公名字命名：特斯拉。此名字是否耳熟？冇錯，馬斯克崇拜佢，故旗下電動車招牌索性以此公命名。 今日乃特公一百七十齡冥壽。 西門公子
|