蔡俊彥林奕匡合唱亞運歌
|
| | | 
|
二人合作有共鳴
|
| 蔡俊彥林奕匡合唱亞運歌 亞運將於九月中在名古屋舉行，HOYTV特別邀來香港花劍“世一”的Ryan（蔡俊彥）同創作才子Phil（林奕匡）演唱主題曲《高空突破》，網友說近來進軍樂壇嘅Ryan演繹起該首勵志又熱血歌曲，特別有共鳴。該曲由阿Phil親自作曲、著名填詞人陳少琪撰寫歌詞，Phil同Ryan為主題曲錄音時，HOY嘅首席內容官嚴嘉念、首席體育官李漢源都有來探班。雖然Phil作曲無數，但這次任務意義重大，佢都有一定壓力：“我係第一次為體育盛事作主題曲，真係好榮幸，亦覺得身負重任。我喺作曲時諗住作為運動員有時會遇到孤單前行嘅情況，少琪老師完全寫到嗰種感覺，好犀利。” Ryan錄音前不幸病咗，好彩嘅係並無影響到佢嘅聲線，還獲Phil讚佢狀態不錯。佢搖頭道：“我本來想養好身體，但都係病咗，因為健康身體對錄音來講真係好重要。”Phil就指他明顯比首度錄歌多了些經驗，雖然身體狀態未必去到百分百，但其實聽唔出。Ryan一向都喜歡情歌，演繹勵志歌擔心會太老土，直至聽完Demo，發覺歌曲有啲情歌Feel：“加埋啲詞好正，寫出運動員嘅心酸，錄音時更加投入，畀我感覺係勵志歌都唔一定係老土嘅。”
|