胡鴻鈞吳若希廣州受寵若驚

胡鴻鈞吳若希廣州受寵若驚



胡鴻鈞與吳若希突襲廣州鬧市

吳若希與胡鴻鈞在廣州街頭表演

胡鴻鈞吳若希廣州受寵若驚

胡鴻鈞(Hubert)與吳若希(Jinny)將於七月十七日強勢登陸廣州，舉行《DoubleShot雙響2026巡迴演唱會》。日前兩人親赴廣州，展開全日的“馬拉松式”瘋狂宣傳行程。兩人不僅深入鬧市與廣州街坊零距離互動，更突襲街頭Busking，吸引大批市民及粉絲包圍，十分墟冚。

當日二人現身廣州街頭派發宣傳單張及與市民玩遊戲，一亮相即掀起轟動，瞬間被熱情的街坊及粉絲層層包圍，大家紛紛拿出手機瘋狂拍照，更有不少市民即場與他們大合唱，氣氛熱烈。

事後胡鴻鈞笑言這次體驗簡直是“受寵若驚”：“同Jinny去廣州跑全日宣傳，其實就唔辛苦嘅，雖然佢好嘈，但係我覺得好充實。真係好耐冇試過跑足一日宣傳，好開心見返好多老朋友。去到街頭嘅時候，其實真係冇諗過有咁多市民圍觀，嗰下一刻真係有啲驚喜同受寵若驚！起碼見到大家都好熱烈歡迎我同Jinny，大家又識唱我哋啲歌，令到我哋對嚟緊嘅Show多咗好大信心同期待。”

除了鬧市互動，兩人更突襲街頭Busking，對於甚少參與街頭表演的吳若希來說，這次絕對是新鮮感十足的初體驗。