曾展望巔覆形象演渣男

曾展望巔覆形象演渣男



曾展望演貪錢Band友

曾展望巔覆形象演渣男

之前憑《女神配對計劃》人氣急升的曾展望(GM)，在無線新播劇集《非份之罪》中巔覆官仔骨骨形象，飾演爛酺爛玩貪錢Band友，更有演出色心大起施暴場口。

前晚播出一集，曾展望激罕在熒光幕前展現奸險、無賴、衰格及好心一面，並連環粗暴地對待游嘉欣（游游）。但值得留意的是，曾展望制服游游期間盡顯敏捷好身手，尤其一手將游游三百六十度反轉動作，望落絕對孔武有力。曾展望演好色渣男，不少網民大讚好戲及演得出色，演技備受肯定。

談到新劇角色，曾展望受訪時透露，當初接到監製邀請演出時，覺得角色“幾有挑戰性”。他又透露相關強暴場口背後拍攝大有難度：“我第一次拍咁多動作戲，仲要唔係只係打兩吓，我哋喺個Band房度拍，有好多道具，我同游游打完交之後，我就要攞啲結他線綁住佢，之後再單手撳低佢再扚佢去梳化，呢一連串動作可以話係演藝成就解鎖；當然好多謝當時嘅武指，佢喺好短時間內令我明白咗動作戲嘅真諦，就真係要畀啲力真做。因為初初驚整親游游會就住就住，但原來唔真做畀啲力落去，反而拍多咗Take仲易令對手受傷，所以拍之前，我都有同游游講話我哋真係畀力試一次。”