宣萱跳出舒適圈挑戰新劇
|
| | | 
|
宣萱接受王凌燕訪問
|
| 宣萱跳出舒適圈挑戰新劇 由宣萱、温昇豪、新加坡演員李銘順領銜主演的《誰殺了她》正於HOY熱播。宣萱初時想過推卻，最終佢決定跳出舒適圈接受挑戰。她接受主播王凌燕專訪分享：“角色係一個雕塑家，初初接嘅時候經理人同我講，我第一個反應係，可唔可以唔接？好大壓力。我有講過要跳出舒適圈，有跳過，因為做過舞台劇，但係演劇方面未。第一要做媽咪，劇中嘅仔女唔係小朋友。我以前做過媽咪，但仔女都好細個。所以我諗好多，驚自己做得唔好，但係經理人鼓勵我，覺得我一定做到，第一可以畀到觀眾新鮮感，第二係挑戰自己，所以我就同經理人講，簽啦！” 飾演復仇母親的宣萱，為了引真兇再出手，竟模仿對方的犯案手法，她說拍攝過程很沉重：“我飛到新加坡之後都仲未諗到點做，但我做戲唔可以將現實嘅情感擺入戲度，我真係要投入角色。例如我喊，我唔可以諗當年爸爸走嘅時候我喊，而家係為另一樣嘢喊，我唔可以咁樣聯想。但我好記得當時飛過去之後，香港發生咗一單好大嘅新聞，就係個女仔畀人分屍，見到呢件事之後幫咗我好多，因為當時我感受到，我唔係佢媽咪，我個感覺都好強，如果我係媽咪點算？我就用嗰個感覺擺落去。”宣萱為投入角色，戲外幾乎都閉關，沉浸在復仇空間。
|