曾比特商演變粉絲見面會

曾比特商演變粉絲見面會



曾比特留返個唱才騷肌

曾比特商演變粉絲見面會

本地音樂服務平台MOOV邁入二十周年，繼續與各位樂迷“音樂同路”！特別聯同ELEMENTS圓方推出《MOOV20MusicStation》現場音樂企劃，活動自六月起開始，邀得曾比特(Mike)為活動打響頭炮。

活動當天，開始前已有不少樂迷圍觀，氣氛十分熱烈。曾比特出場即與粉絲熱情打招呼，令《MOOV20MusicStation》變身成為粉絲見面會。曾比特分享自己的曲風改變，由“撕心裂肺”演變成“學會收斂”，而他亦是繼謝霆鋒、呂爵安後，首位第一首派台歌獲得三台冠軍殊榮的歌手。活動期間曾比特即場獻唱新歌《CHANGE》，令現場樂迷如癡如醉，更高呼“除衫騷肌”：“即係我覺得物以罕為貴，如果日日喺度咁樣露就‘唔貴’啦，所以都係留返去出Show、演唱會。”

曾比特早前與霍汶希(Mani)飯聚恭賀對方升職，笑言探口風問何時舉行個唱：“因為第一次返公司嗰陣，老闆話‘喂，啟德啦！’，跟住早排返公司見到老闆，老闆又話‘喂，紅館啦！’，所以我依家努力緊，希望喺下次老闆再講下一個場地嘅時候，我就可以開到喇。”