吳啟華自爆叫導演加咀戲

吳啟華自爆叫導演加咀戲



吳啟華曾被劉德華整蠱

《非份之罪》眾演員出席記者會

游嘉欣獲吳啟華讚“冇得頂”

陳煒與徐榮扶盧宛茵上落

《非份之罪》記者會

吳啟華自爆叫導演加咀戲

無線劇集《非份之罪》前日舉行“非份之想·罪惡橫生”記者會。主角吳啟華自爆叫導演加咀戲，又提到當年初出道，曾被劉德華整蠱，令他被導演開咪用粗口大鬧；拍攝劇集時被導演質疑演技的盧宛茵，曾投訴同場的陳煒及徐榮視而不見。

監製王心慰在無線的告別作《非份之罪》，將於下周一（二十九日）首播，劇集合共有六個單元故事，有份演出的吳啟華、朱敏瀚、游嘉欣、陳煒、盧宛茵、徐榮、吳偉豪及阮浩棕等，出席電視城舉行的記者會。

吳啟華、游嘉欣及朱敏瀚合演《無臉女屍》單元，吳啟華表示今次再拍劇，是為了支持多年老友兼監製王心慰(Amy)，加上覺得故事好而參演。劇中吳啟華演控制狂父親，立下家規控制妻女貝安琪、戴祖儀及游嘉欣。問到現實中有冇家規，他笑言當然沒有：“我點會咁做？好似雀仔咁，你愈綁得緊，佢愈想飛，梗係要同仔女做朋友啦。”關於劇中女兒游嘉欣的表現，吳啟華大讚“冇得頂”、演技好又靚女。吳啟華有場戲要掌摑戴祖儀，問到是否真打，他說從來不贊成真打：“因為演員做戲，唔使靠真打，靠演技演出嚟。”

吳啟華更自爆與貝安琪有浪漫戲份，問到可有咀戲時，他自爆向導演提出加咀戲，不過都是借位拍攝。問到可有被劇中導演罵演得差，他們都表示沒有，因有啟華哥帶住。吳啟華笑言：“後生初出道時與劉德華拍戲，因為仲係新人，好緊張睇劇本，但華仔就整蠱我，偷偷將我頭上支頭飾打直插在頭上，導演發現後就鬧我，鬧得好勁！佢又唔會鬧劉德華，劉德華大佬嚟。”

另外，盧宛茵與陳煒在其中一個單處中飾演婆媳，二人更有互打戲份。提到當年拍攝劇集時的不快事，盧宛茵大方表示俱往已，已是幾年前的事，而該名導演已經離開電視台。不過她就似有所指說：“後生啲阿姐唔可以得罪，我哋啲老嘢……係有啲唔開心，Amy姐有安慰我。”問到是否嬲陳煒唔出聲幫口，她笑說：“煒哥剝緊花生，成盤萬里望（花生）喺度。”陳煒解釋與徐榮做細，所以唔敢出聲。記者會上三人同場，陳煒與徐榮對盧宛茵卻扶上扶落，十分細心。