傅寶誼爆近十年冇拍拖

傅寶誼爆近十年冇拍拖



傅寶誼接受俞詠文訪問

傅寶誼爆近十年冇拍拖

相隔五年，Theresa傅寶誼（前名傅穎）再次推出廣東作品《成年禮》，她日前更專程回到香港，接受好友HOY主播俞詠文(Angela)訪問，暢談近況。

新歌《成年禮》所表達的成年，傅寶誼講並不是大家認為的十八歲：“人哋就話十八歲係一個典禮，呢首歌唔係講呢樣嘢，係講人生到咗下半場之後，知道自己人生嘅意義係乜嘢，過往嘅經歷對於你嚟講，無論係好與壞，都係一份禮物。其中歌詞第一句，做過簡單快樂的人，我本身個人係比較簡單，而喺我三十至四十歲之間，我喺內地做直播帶貨，我成日都喺度諗，係咪需要好似其他人咁圓滑？係咪應該做人Sweet啲？不過最後都係決定簡單啲，做自己。”

講到斷捨離，傅寶誼十多年前已經開始實行，來到二○二六年，傅寶誼第一樣要斷捨離的是與前男友合照：“呢啲嘢留喺心中咪得囉，同埋我都已經十年八載冇拍過拖，覺得唔需要，可能我已經過咗情關。如果你知道愛情嘅本質，你就覺得都唔係咩嘢；如果要個伴嘅話，寵物都係一個好好嘅陪伴，我會喺我隻貓度，感覺到乜嘢叫做真愛。”