胡鴻鈞扒龍舟初體驗

胡鴻鈞扒龍舟初體驗



胡鴻鈞試做鼓手

胡鴻鈞麥玲玲與眾人合影

麥玲玲與胡鴻鈞推廣龍舟文化

胡鴻鈞首次扒龍舟

獲同船姐姐讚有力

胡鴻鈞扒龍舟初體驗

一年一度的端午節即將來臨，不同地方均舉行龍舟競渡比賽，其中胡鴻鈞(Hubert)與麥玲玲獲番禺委任為“龍舟文化宣傳大使”。胡鴻鈞更親身落船扒番轉，被同船姐姐大讚他“幾有力”。

胡鴻鈞前日特別到番禺參觀當地龍舟隊練習過程，與麥玲玲一同接受“龍舟文化宣傳大使”榮譽，從傾談中，更深入了解扒龍舟這項中國傳統文化，亦學習扒龍舟的技巧。胡鴻鈞更獲邀落船試玩，見他都扒得有板有眼，跟同船姐姐好快建立默契。

事後胡鴻鈞自言初次扒龍舟感覺好新鮮，因為過往睇過不少扒龍舟，但真正可以扒是第一次。為了今次扒龍舟，他可謂做足準備：“睇我呢身裝束就係特登為扒龍舟而買，之前特別上網睇下人哋扒龍舟嘅裝束，本來有啲簡單嘅背心短褲，但我比較怕曬。基本上今日呢套衫係For潛水，全套都係水上活動嘅裝備，以扒龍舟嚟講好似有少少誇張咗，但呢啲叫做好尊重個場合嘛。”

提到扒龍舟後感覺如何，他認為自己都有點天份：“同船啲姐姐都有讚我，咦，幾有力喎，都跟到佢哋個節奏。”胡鴻鈞認為扒龍舟最吸引人的地方，就是大家一齊聽住鼓聲、聽住指揮，同心合力去做一件事，認為這種默契同團結十分難得。本來胡鴻鈞更想嘗試做鼓手滋味，但可惜沒有人跟他的節奏去扒，唯有自己打鼓玩下。

經過今次之後，問他端午節會否希望在香港參加扒龍舟比賽，胡鴻鈞立即說：“香港太勁啦，今日嚟體驗一下就可以，香港落得去玩嘅全部訓練有素同埋專業，我諗我都係食糉算啦。”

被委任為龍舟文化宣傳大使，問他如何宣揚龍舟文化，胡鴻鈞說：“龍舟係中國傳統文化，好值得去宣揚，我好鼓勵啲年輕人，特別鍾意水上活動，試下扒龍舟。因為唔係講個人，係講團體精神，對培養默契同隊員之間配合，點樣成為一個好領袖去帶領隊員跟鼓聲去扒，都唔係容易。”