陳志雲出發《雲遊四海》

陳志雲出發《雲遊四海》



陳志雲行頭不少四箱行李

陳志雲派開工利市

陳志雲出發《雲遊四海》

陳志雲日前現身機場，出發為HOY拍攝全新節目《雲遊四海》，志雲大師更準備了開工利市，派給一班幕後工作人員，相當有心。他說非常期待旅程：“我哋首先去意大利羅馬，然後喺羅馬坐三個鐘車去拿破里。意大利之後我哋去英國曼城同倫敦，跟住再去巴黎，每個地方都好期待。拿坡里我自己都未去過，巴黎雖然成日去，但係好多窿窿罅罅冇當地人指點，你未必去過。雖然我喺倫敦住過，但係都咁多年，好期待喺嗰度探索新地方。”

節目中志雲大師將走訪異地生活的香港友人，聆聽他們在人生中展開新旅程的真實故事。他說：“全部都係好有趣嘅人物，無論喺體育界、文化界、時裝界，設計界、音樂界，都係香港好有才華嘅人。佢哋喺當地用行動同生活，去說好香港故事，將香港文化帶到異地。佢哋又吸收咗當地文化，豐富香港嘅文化特色，所以我都好熱切期待同佢哋傾偈。”

大師出馬，漂亮行頭不能少，他笑說：“四箱行李啫，我特登為咗今次買多咗個大行李篋。因為導演希望啲衫靚啲，有多啲色彩，我一共揀咗十八套衫，仲有幾套冇畀佢哋睇，係我後加，仲有四對鞋，連埋我最鍾意着嘅高蹺鞋都帶埋去。睡衣都帶咗兩套，有一套我已經打咗底喺裏面，一陣上飛機我就會除衫。”