李蕙敏演癮君子化醜妝

李蕙敏演癮君子化醜妝



李蕙敏（左）接受俞詠文專訪

李蕙敏演癮君子化醜妝

最近演出邱禮濤執導新戲《我們不是什麼》的李蕙敏(Amanda)，日前接受HOY主播俞詠文專訪。戲中她演一位癮君子，造型上作出不少犧牲，李蕙敏笑說：“作為演員，專業起上嚟係一定要接受到。（你最初接呢個角色係咪已經知道造型會係咁？）睇劇本未知，但我估到大概係咁，所以我第一時間就話，導演，唔化妝好唔好？佢話好。點知原來仲要化得耐啲，要再化得醜少少，要做癮君子，始終面色一定要比較灰沉。”

歌而優則演嘅李蕙敏，以往拍過唔少作品，包括也是由邱禮濤執導的《陰陽路之我在你左右》，她說不怕拍鬼片：“點會驚？首先你扮鬼嘅時候，會有架車喺腳下，你爭啲想笑，但當然唔可以笑。第二係好多人同你一齊，唔會驚。”之後談到《高度戒備》，李蕙敏說這套戲邱導做攝影師，林嶺東做導演，這套戲令李蕙敏獲提名最佳女主角。

兒子逐漸長大，問李蕙敏會否放鬆一點，她笑說：“好啲囉！因為冇咁驚佢走咗去唔識返嚟，而家定性咗，又有電子設備可以追蹤。但而家變成管理佢嘅生活方面比較複雜，學校啲App、功課、補習班、運動班，好多好多嘢，我做咗佢經理人，開始教佢獨立少少。我希望佢早熟啲，我做嘢嘅時候就更加放心。”