鄭秀文七月啟德騷今售票

鄭秀文七月啟德騷今售票



鄭秀文啟德騷海報

鄭秀文七月啟德騷今售票

鄭秀文(Sammi)將於七月十日至十一日，舉行《You&Mi鄭秀文演唱會2026亞洲巡迴終點站———香港啟德主場館》，演唱會門票今日起公開發售。

《YouandMi演唱會》自二○二四年於香港紅館起跑後，於二○二五年移師澳門、二○二六年四月登陸吉隆坡。這次在啟德主場館的演出，將是整個亞洲巡迴演唱會的最終站，意義非凡，為整個巡演劃上完美句號。

鄭秀文對於即將踏上香港啟德主場館開騷，有不一樣的期待。她說：“我諗喺啟德主場館開騷好唔同，單單係場地已經畀到我好多新鮮感，因應個場地可以諗多好多構思。今次唔係一個全新嘅演唱會，畢竟係一個巡迴演唱會嘅終點站，需要參詳嘅地方就係點樣保留原有演唱會好嘅地方，再加啲我自己想加嘅新嘢上去，將舊同新融合埋一齊，就係今次啟德呢個演唱會畀自己同埋團隊嘅一個功課。”

早前Sammi親到啟德主場館實地考察被震撼到，她說：“真係好驚訝，第一、個場真係咁大；第二、好有新鮮感。覺得有好多紅館做唔到嘅，可以喺呢個場地嘗試。”