ROVER聯乘四樂隊演繹《旗跡》

ROVER聯乘四樂隊演繹《旗跡》



ROVER演唱會海報

ROVER聯乘四樂隊演繹《旗跡》

新生代樂隊ROVER推出新歌《旗跡》，四子陳鎮亨（亨仔）、王希晉（希晉）、卓金樂（Kim）及雷濠權（Jason），特意邀請四隊風格各異的樂隊合作Cover企劃，打頭陣有ToNick，緊接有野佬、逆流，壓軸更請來殿堂級樂隊太極，各自演繹不同版本的《旗跡》，展現BandSound的多樣魅力。

除了樂隊合作Cover企劃，ROVER將於三月三十日迎來首個演唱會，全企位設計讓樂迷能夠零距離感受BandSound的震撼。距離演出尚餘不足兩星期，亨仔透露籌備工作已進入最後階段：“我哋籌備到密鑼緊鼓，差唔多搞掂晒，所有嘢都進入Rehearsal階段。”

Jason表示每日都努力練歌，準備不同類型的作品：“有Band嘅歌，亦有Solo、合唱嘅歌，好多唔同嘅歌準備畀大家。”Kim更透露今次演唱會的編曲心思：“我哋會玩返晒所有自己嘅歌，仲有好多唔同前輩、樂隊嘅歌，我哋重新編曲，BandSound同自己嘅歌都會有唔同編排，全部由我哋自己搞，雖然要花多啲時間，但絕對值得。”