F1“澳門站”成熱話
賈大廚 |
|
| F1“澳門站”成熱話 澳門的東望洋跑道聞名於世界賽車壇，路窄彎多且急，極考驗車手的膽識和技術，多年來有不少神級車手在成名前都來過澳門參賽，早已公認係世界頂尖車手的搖籃。然而，在七十二屆的澳門格蘭披治大賽車歷史中，方程式也只是辦過為人熟識的F3、F4及FR，最高級別的F1從未辦過。 多年來，好多車迷都問過呢個問題，究竟係澳門大賽車這張國際名片襯唔起F1？還是F1根本冇可能落戶澳門？有熟識大賽車運作的人士講過，原因是國際汽聯要求F1賽道需要有更多緩衝區及更高的安全配置，而東望洋賽道最大問題係直路唔夠長，又唔夠直兼唔夠闊，所以唔符合條件舉辦。 其實經常有F1車手表示希望見到有“澳門站”，如“黑帝”咸美頓被問到“若新增一條F1夜間賽道，哪裡好？”當時秒速回答：“澳門！”他的法拉利隊友陸克萊在一五年，當時僅十五歲便曾在澳門贏得F3亞軍，近日回應網民同一問題亦回應：“雖然從未發生，但我真的很喜歡這條賽道，每當我幻想到在那裡駕駛F1飛馳，已經好興奮！” F1戰車確實比F3更長更大，東望洋賽道能否容納F1，落過場鬥車的車手可能更清楚。最近問過一位澳門F3冠軍級車手，佢都話唔係完全冇可能，只要解決到F1轉髮夾彎呢個難題，以及畀得起錢同國際汽聯及F1商討，話唔定真係有“澳門站”！ 賈大廚
|