張繼聰開騷排舞猶如大考

張繼聰開騷排舞猶如大考



張繼聰去年在內地舉行巡唱

張繼聰香港騷海報

張繼聰開騷排舞猶如大考

張繼聰將於四月九日（星期四）晚上八時，在麥花臣場館舉行《WHAT'SNEXTLIVE2026》個人演唱會。距離演出不夠一個月，張繼聰透露正身處大直路全力備戰，會以全新編排的歌單及舞蹈，撕掉標籤，讓觀眾認識演戲以外的他。

去年在內地舉行多場巡唱的張繼聰，直言這次演唱會捨易取難，放棄複製內地巡唱的內容，強調說：“今次Rundown準備咗好耐，好多歌都係第一次現場唱，如果舊年你冇去過內地睇我嘅騷，今年嘅歌你一定冇聽過。”

問到今次演唱會的一大難關，張繼聰透露莫過於跳舞環節，坦言年紀漸長，排練過程猶如大考。他表示：“以前十八、廿二歲，跳六七個鐘冇問題，而家跳六七個鐘會傷，所以要好精準。”為做到絕不欺場，演唱會上的跳舞環節將長達十多分鐘的Medley，難度之高連太太謝安琪看完第一次彩排影片也不禁驚嘆。問到擅長跳舞的女兒可有提供意見，張繼聰說：“佢同佢啲同學跳得好勁，水平已經超越咗我。本意係想威畀個女睇，但而家發覺有難度。希望到時佢嚟睇，唔好令佢覺得尷尬，我會盡力跳！”