喬寶寶有心無力
高梁 |
| | | 
|
喬寶寶移民英國多年
|
| 喬寶寶有心無力 香港電視有史以來，只有一個歌手，赤裸上身唱歌。建議一出，嚇到《殘酷一叮》編導標冷汗，條例所限，想靠害“釘牌”咩……。一條印度大漢出場，周身毛茸茸，見不到兩點，卻看到TVB三個大字，胸毛叢中剃出來的。從此，觀眾認識了喬寶寶，拍了幾套劇集，頗有觀眾緣……。月前趁春節返港快閃掘金……。 趁行得走得，周圍搵食，每年僅陪妻兒四個月。喬寶寶強調，只要每月準時出糧，喬嫂嫂就冇詐型，更加唔會擔心他搵“小三”！ 寶寶大笑說：“一把年紀，有心無力啦，你估我係李龍基咩，七十六歲咁勁揪嘅，哈哈……。” 五十四歲喬寶寶，移民英國，仍關心香港新聞，趁有氣有力，到處登台、商演、拍廣告，賺私己錢，減輕大仔“印度豹”（Inderpal）經濟壓力。雖然時常不黐家，寶寶笑言：“喬嫂嫂只要見錢，便有安全感。因為印度人好少離婚，哎！都幾十歲啦，有槍都冇子彈，更何況，連自己都養唔掂，貪你滿面鬍鬚嘅肥佬咩？你睇我成日口花花，經已有心冇力……。”話題一轉，提到七十六歲李龍基都有三十六歲嫩妻，突然問記者，“唔知佢食乜嘢補品咁勁揪？一定好靠後天保養，固本培元，才能生龍活虎。” 喬寶寶已榮升爺爺，有一對孫仔孫女。近年在蘇格蘭開印度餐廳，全家出動。移民蘇格蘭十多年，喬寶寶表示：“比起香港，環境清靜啲，啲人都幾友善。比起英格蘭嗰啲人，冇英格蘭咁Nice，屋大啲，便宜啲。” 喬寶寶坦言，蘇格蘭的英語口音，花了五年才適應。在當地搵工，以勞動性種類較多……。古語：到處楊梅一樣花；今云：此心安處是吾家。 高梁
|