蔡蕙琪分享畫眉剃毛爆笑場面

蔡蕙琪分享畫眉剃毛爆笑場面



蔡蕙琪接受俞詠文訪問

蔡蕙琪分享畫眉剃毛爆笑場面

HOYTV主播俞詠文(Angela)日前訪問獲封為《夜王》MVP“葵芳”的蔡蕙琪(Kay)，分享她突然爆紅的感受。

問到成為娛樂圈二○二六年娛樂圈第一個MVP，蔡蕙琪表示驚訝：“我淨係想講新年快樂，哈哈哈！新年好，我令到大家紅上加紅，只係有咁樣嘅感覺。真係學電影裏面話齋，一言難盡。其實可以話係我個人演藝生涯中嘅一個里程碑，事業上嚟講，以我今年嘅年紀，應該啱啱好係一個人嘅事業需要去起步嘅年齡，所以對我嚟講係一個好大嘅支持。”

講到戲中一個爆笑場面，就是“葵芳”喺出場前剃毛同時畫眉，蔡蕙琪笑言是爆肚：“其實呢個係現場度出嚟嘅！因為當時阿Fish飾演嘅Mimi媽，其實係教緊我畫眉，同一時間，我就喺度剃緊毛，所以我一手攞住眉筆，一手攞住剃刀，跟住阿卵楊偉倫就問我想點啫，先至有呢句對白。”

說到將來的發展，蔡蕙琪表示：“嗱！我而家呢就係自由身嘅演員，我係冇隸屬任何劇團及公司，十八區我都會去，唔只淨係留喺葵芳，任何劇團、任何電影，有工作就搵我啦！唱歌就有啲抆水，音樂劇都可以考慮一下，哈哈哈！”