林德信上節目挑戰太極金曲

林德信上節目挑戰太極金曲



林德信自彈自唱

夏韶聲每次表演都盡全力

夏韶聲聯乘Nowhere Boys及Zpecial演出

夏韶聲與Nowhere Boys合影

夏韶聲攜新生代樂隊玩搖滾

林德信上節目挑戰太極金曲

HOYTV年度跨平台、跨地區大型節目《歲月如歌》，以嶄新形式，結合線上線下打造六集，每集一小時的廣東歌音樂節目。現正於HOY77台熱播當中的《歲月如歌》，最新一集請來林德信(Alex)做嘉賓，除演繹爸爸林子祥的作品外，還會自彈自唱香港殿堂級樂隊太極的《留住我吧》。

一向熱愛廣東歌的林德信，他表示演繹太極的作品絕對有難度：“每次可以表演都覺得好難得、好開心，好珍惜每次機會。今次亦都好用心咁學咗兩首歌，一首就係太極前輩嘅歌，今次仲要彈埋結他口添，所以都好大壓力；反而另外一首就係家父阿Lam，我由細聽到大嘅《我愛你》，之前試過同Daddy一齊唱，今次係第一次自己唱，可能熟悉啲，所以就輕鬆好多。”

搖滾音樂教父夏韶聲聯乘新生代樂隊NowhereBoys及Zpecial大玩搖滾樂，追溯香港嘅搖滾文化。夏爺還大讚NowhereBoys的漁佬彈琴、口琴樣樣精，音樂造詣非常高。大前輩同後輩同場，當然會擦出唔少火花，而最令夏韶聲好奇嘅係NowhereBoys嘅名字由來，主唱阿Van解釋佢哋好鍾意TheBeatles，TheBeatles有首歌叫《NowhereMan》，觸發佢哋自稱NowhereBoys。

夏爺表示每次表演都盡全力：“其實我哋每次上台，都好用心去為觀眾表演，但我哋用心，聽嘅人冇用心就冇意思。所以我哋一定要令台下觀眾同我哋融為一體，搞到佢哋同我哋一齊唱。嗱！我膝頭哥就唔係咁好，但係如果你Solo彈結他嘅時候，你想踎低，我都奉陪。”