搶位“扑咪”考驗記者
黃煒熊 |
| | | 
|
人民大會堂內，記者與人大代表展開新聞追逐。
|
| 搶位“扑咪”考驗記者 三月五日，北京城仍未天光，人民大會堂東門外已經排起一條長龍。今日十四屆全國人大四次會議開幕，國務院總理李強宣讀政府工作報告，同時公佈“十五五”規劃綱要草案，兩大重點，不相伯仲。不少為了搶佔有利拍攝位置的記者，經歷了漫長又艱辛的一天。 凌晨四點，京城雪夜，寒風刺骨，一衆記者摸黑出門，個個包到成隻粽咁，依然凍到騰騰震，頭耷耷、眼瞓到入骨。七點天光漸現，開放入場，記者拔足狂奔，衝上二樓攝影區爭位。八點開始，人大代表魚貫進場，人民大會堂內外頓成“新聞戰場”，大批記者包圍不同的人大代表“扑咪”。九點開會，個個又對着手機、電腦撮重點，一輪輸出發即時新聞。十一點散會，又是新一輪“扑咪”環節。 建立互信撮重點 科技再先進，可以幫手錄音、轉文字、剪片，甚至寫簡單快訊。但係“兩會”採訪，需要記者長時間待機、排隊、搶位，需要在近三千名人大代表中即場認人、埋身追訪，判斷邊句話值得追問，需要同受訪者建立信任嘅人情味，需要在幾萬字報告中搵出真正嘅重點。目前，生成式AI的確可以減輕一些工作負擔，但真正落場採訪，始終仲係要靠自己雙腳、對眼同把口。 （北京五日電） 本報記者黃煒熊
|