張馳豪最強學歷語出驚人

張馳豪最強學歷語出驚人



張馳豪參加《攻你上大學》

張馳豪最強學歷語出驚人

由林盛斌率領去年香港小姐亞軍施宇琪及季軍袁文靜主持的《攻你上大學》，前晚陣容是《飛常日誌Ⅱ》一眾主角：洪永城、劉穎鏇、周嘉洛、朱敏瀚、郭柏妍、吳偉豪、戴祖儀、倪樂琳、梁凱晴、張馳豪。今集嘉賓學歷含金量極高，不少都是曾在外國讀書的精英，畢業於英國薩里大學酒店管理學的梁凱晴，以及擁有亞利桑那州立大學工商管理系學士學位的劉穎鏇(Tiffany)。不過講到最強學歷，非張馳豪(Aska)莫屬。

原來張馳豪手持美國邁阿密大學運動生理學學士及體適能碩士學位，他被問到擅長咩題目時，竟語出驚人話：“屍體都ok嘅！”在一眾學霸包圍下，中學畢業後即加入TVB的朱敏瀚就成為黑馬，笑言：“喺TVB學到好多嘢！”不過“鬼仔鬼妹”遇上中文題就即刻出事，面對題目問到“《飛常日誌Ⅱ》個‘飛’字係咩部首”時，Tiffany同吳偉豪(Ricco)當場黑人問號，紛紛說：“咩叫做部首呀？”、“我唔知咩係部首？”朱仔爆笑教學：“姐係BforBoy個B呀！”