鄧兆尊銘記女友情義
高 梁 |
| | | 
|
鄧兆尊對三位女友不離不棄
|
| 鄧兆尊銘記女友情義 “專搵靚女、有錢女着數，這叫渣男。”鄧兆尊話鋒一轉：“我身邊三位女朋友，唔係好靚，唔係好有錢，我畀佢哋渣緊，畀佢哋騙財騙色呀。”他的“大婆”、“二奶”、“三奶”圓潤身型，外界不時評論……。 “佢哋都靚過！”鄧兆尊護花情切：“不可以話，我識你之時咁樣，到你老咗走咗樣，是否要放開佢呢？我做唔到呢樣嘢。” 講到默默女友的一段緣：“人生中最艱難時刻，莫過於當年母子爭產案，因官司，導致先父的資產一時被封鎖。”鄧兆尊憶述：“正是那段經濟和精神壓力最大時期，女友們給我極大支持，最落難時期，佢哋主動同你講，‘我儲咗一啲私己錢，你可以先攞去用’。聽到好窩心，雖然，沒有借用女友們的積蓄，這份雪中送炭情誼，至今銘記於心”，情與義，値得鄧兆尊堅持對三位女友不離不棄的原因。 兆尊的家教，耳濡目染自兩位名師——阿爸阿媽嗌交，阿媽用鉸剪剪爛晒阿爸啲西裝，長袖變短袖，長褲變短褲。阿爸笑笑口：“唔該晒，媽咪。個衣櫃冇乜位，我都唔鍾意着西裝，啱啱想換過啲唐裝”。阿媽吹佢唔脹，到咗第二年《東華》，又死死氣地幫阿爸做過啲西裝！我問阿爸，點解揀個咁惡嘅老婆？佢話，好多時你會受女人外表誘惑，識耐咗，眞面目才浮出來。 加拿大商科畢業，打算銀行見工。鄧兆尊説，飯局上遇TVB製作總監吳雨，母親推波助瀾，半推半就被踢入娛樂圈。“冇得唔入，都話阿媽好惡，阿爸叫我自己執生，對我唯一忠告——不要跟圈中人拍拖……甩拖時，九成九都話男方唔好。” 爭產案全城矚目，鄧兆尊非常煩惱，卻紅極一時，TVB加他薪水百分之五百……。 高梁
|