翁靜晶斥曾志偉奪權

翁靜晶斥曾志偉奪權

高 梁

翁靜晶重提舊事

翁靜晶斥曾志偉奪權

翁靜晶講當年購置武師公會的會址……涉及曾志偉，怒吼一聲：“劉師傅帶你出身(口+架)，矮仔！”

劉家良與成龍接拍《醉拳2》，籌建武師公會，買會址……翁靜晶主持的《危險人物2.0》，舊事必須記：“跟嘉禾傾好了一千萬製作費，當中六十萬是劉師傅片酬。買了九龍灣一個會址要供，因未夠錢……。”

一千萬到位後，曾志偉同他的Friend開會，將劉師傅刪除咗，控制咗銀行戶口，將佢所有權限全部取消晒……。翁靜晶娓娓道來：“但係，那層樓係我同劉師傅做擔保……，佢攞哂啲錢，攞晒所有控制權……。”

當時，找到曾志偉理論，翁靜晶公開當年內幕，“你現在做了會長，你攞晒所有嘢。但你要將我呢個擔保人攞返出來，唔可以啲債我孭晒。佢一眼都唔睬我，唔肯幫我哋攞返個擔保人出來……。”

“我有啲嘢要同大家講，曾志偉蝦我哋！”翁靜晶對往事歷歷如昨。某次首映禮，當住記者群為劉家良發聲：“曾志偉，你唔可以再搵我哋做擔保，冇理由，你攞晒的錢我做擔保……。”翌日，曾志偉回覆：“唔好意思，師母話事，師母話事！”再經過一輪追討和交涉，事情終得以解決。

成龍都係劉家良帶出身，曾記否，“犯了天下男人都會犯的錯”後，翁靜晶陪同吳綺莉見記者——懷孕時，傳說與A君講數；其實，吳綺莉冇收過成龍一毫子。翁靜晶爆陳年秘聞，吳綺莉決定誕下女兒卓林……，吳母話，“我哋有信教。細蚊仔有生命，唔應該毀滅佢。媽媽是生意人，幫你照顧，唔需要退……。”媽媽沒收過成龍一毫子，吳綺莉也沒收過成龍一毫子。翁靜晶陪同吳綺莉記招，公開一個秘聞而已。

高梁