陳潔靈為《歲月如歌》做足準備

陳潔靈為《歲月如歌》做足準備



陳潔靈坐鎮《歲月如歌》第一集

林愷鈴節目中演繹前輩作品

區瑞強自爆收藏陳潔靈比堅尼照

陳潔靈與衛蘭合影

區瑞強代表作百唱不厭

陳潔靈為《歲月如歌》做足準備

HOYTV製作的大型音樂企劃《歲月如歌》，打破傳統框架，結合線上互動與線下演唱會，老中青三代歌手撞出火花，推廣香港流行音樂文化。參與歌手有前輩級夏韶聲、陳潔靈、區瑞強、草蜢，到中堅力量衛蘭、岑寧兒，再有新生代歌手張天賦、洪嘉豪、林奕匡和黃淑蔓等。

第一集除有陳潔靈坐鎮，還有衛蘭和洪嘉豪。陳潔靈獻唱與哥哥張國榮合唱的《只怕不再遇上》，和林子祥的《十分十二吋》，還說用了很多時間去準備：“《十分十二吋》呢隻歌幾長，最初要我唱嘅時候我都懷疑點唱咁長嘅歌。因為隻歌有好多和音好熱鬧，我自己喺屋企做咗好多功課，唱埋啲和音，同JohnnyYim討論點先可以令首歌更熱鬧。”她又說開心見到好多好朋友：“例如夏韶聲、草蜢，仲有衛蘭，好耐冇見。同埋未試過同張天賦同台，可以話睇住佢出道。”

陣容還有與陳潔靈(Elisa)識於微時的區瑞強(Albert)，他更分享二人相識經過：“第一次認識Elisa係因為去燒烤游水，我仲有一張我諗Elisa都冇嘅黑白照，着住比堅尼，起碼要請食三餐飯。”

至於第二集區瑞強將演繹《陌上歸人》，該曲絕對是區瑞強的代表作，他坦言唱這首作品已經超過五千次：“好多歌手同我傾計時都話，又唱嗰首歌？嗰首即係代表作，好厭呀！但我啱啱相反，如果作為一個歌手，能夠有一首經典金曲，其他人想一聽再聽，已經係不枉此生。好多歌手唱咗好多歌，都冇一首畀人記得。雖然唱咗咁多次，但次次都唔同，因為你喺唔同嘅情況之下唱，將你自己都唔知，人哋又未聽過嘅情懷再唱出嚟。”

講到經典金曲嘅傳承，當然要靠一班新一代嘅歌手接棒啦！林愷鈴於節目中，就挑選了前輩王傑的作品《誰明浪子心》去演繹。她表示不太緊張：“今次有前輩Albert幫我伴奏，有呢個高手同我合作，反而令我覺得好安心。就算有咩意外發生，都有佢用音樂聲救亡，所以心情比較輕鬆！最緊要enjoy。”