張曦雯讚有紳士風度

張曦雯讚有紳士風度



張曦雯不吝嗇長腿

兩人耍花槍宣傳

張曦雯和馬貫東谷新劇

陳瀅單身想拍拖

拍劇要馬貫東摸屁股

張曦雯讚有紳士風度

無線新劇《臥底嬌娃》演員日前到銅鑼灣鬧市，出席新劇《卧底嬌娃》宣傳活動。張曦雯(Kelly)、陳瀅及羅毓儀(Yuki)化身“AfterWork”臥底女團性感現身，更擺出女團手勢，吸引大批粉絲圍觀。而有份演出但因講大話扮“AO”遭無線雪藏的鍾柔美(Yumi)，卻未有現身。

Kelly在台上指拍攝劇集期間收工後還要練歌排舞，笑言可以出道。她受訪時笑言擔心日後宣傳要她即場唱歌。問到是否“魔音”，她笑謂：“唔係魔音，有時都會登吓台，但就唔係可以出道嘅Level，跳舞都可以嘅，因為細個有學跳舞。”她又爆Yuki跳舞最差，反而唱歌、玩樂器及角色扮演好得，唱歌擔當交畀佢同Yumi。

問到Yumi也是劇中女團成員之一，為何未有現身宣傳，Kelly解釋劇中女團成員有十多人，但自己和陳瀅及Yuki才是臥底成員，Yumi是她們要埋身的目標。有傳對方被公司“雪藏”故未有安排出席宣傳，Kelly説：“我諗應該唔係嘅，相信稍後嘅宣傳活動會出席。”有指Yumi自降身價唱周年晚宴，Kelly笑言市道靜，自己都好想接外面的工作。

昨天是情人節，回復單身的Kelly表示會陪爸媽，但父母晚上會撐枱腳，自己會在家中陪愛貓狗，問到可有人約，她笑謂：“睇下聽朝有冇啦。”問到馬貫東可會約Kelly，他即派檸檬笑說：“我要入馬場開工，晚上要返舖頭打理寵物美容生意，凌晨過後可以約Kelly。”劇中他與Kelly飾演一對歡喜冤家，更有不少身體接觸鏡頭，會否感尷尬？他笑言不會：“好好呀！好多男仔都夢寐以求嘅事。（多咗好多敵人？）我唔介意，為咗有呢啲機會多啲敵人係可以。”

Kelly讚馬貫東很紳士風度：“劇中有一幕阿東要摸我Patpat，個場口係講佢一路摸落去，跟住我Stop佢，事前同佢講我唔Stop就要繼續摸，要有效果就一定要差唔多摸到Patpat先得可以。（你Ok?）Patpat之嘛，佢都有啦！”馬貫東即坦言當時見對方遲遲未叫停非常擔心，又笑謂自己被動不尷尬，但做主動就會很尷尬。

身高一米五六的Yuki，劇中飾演女卧底，關於高度被質疑，她笑言上網搜尋過，警隊是沒有身高限制的。陳瀅談到她上月被拍到與圈外緋聞男友Howie一同前往啟德主場館欣賞BLACKPINK香港演唱會，陳瀅澄清對方不是男友：“大家一向都係好朋友，當日其實仲有JW王灝兒與姐姐等人去睇演唱會，暫時未有新戀情，自己都好期待馬年會有。”