鄭秀文分享夫妻相處之道
高梁 |
| | | 
|
鄭秀文現在很幸福
|
| 鄭秀文分享夫妻相處之道 十年地下情，十年分手，十一年婚姻，娛圈神奇情侶：許志安與鄭秀文，如今雙棲雙宿，情海不揚波，箇中有甚麼浪漫？鄭秀文催谷《夜王》，一日接受十七宗專訪，均聚焦：“唔講浪漫，好骨痺，講吓生活習慣啦。”鄭秀文爆料——我哋每晚必然要做一件事。 “盡量一齊食晚飯，無論出去或者屋企，六點就開餐……。”鄭秀文兩公婆撐檯腳，好多嘢講：“我一定會問安仔：你今日有咩小點滴或小趣點……，遇到甚麼人，有咩嘢可以分享。”不但講開心，也要講唔開心，分享每一日經歷。晚餐桌上，兩公婆仿如跳靈魂脫衣舞。“我覺得，一個人的精神世界開唔開心，心靈健康好緊要。我作為伴侶，呢一方面的關顧好緊……。” Sammi直認，對許志安的“精神關顧”無微不至，生活關顧呢？“我唔識口架。煮飯我識，但，我唔鍾意成日入廚。”鄭秀文坦言：“生活上安排，我好差；主要在精神上、情感上的支援。作為伴侶，我唔謙虛啦，我覺得自己好稱職；生活上的噓寒問暖，唔係好擅長。” 閨房之樂，樂如何？你照顧安仔多啲，還是安仔照顧你多啲？“我冇耐性，要我安排生活細微嘅嘢，我會不耐煩。我識做，唔係咁Enjoy。雖然，我覺得安仔都未必咁Enjoy，但係，佢知道我唔係咁鍾意做家務，佢會TakeCare多啲，會做得妥貼多啲。” 車震事件，隻字不提。十年分手，又婚姻了十一年，“機遇嘍，人生安排，就係有個機會。（睇你現在好開心，真替你開心）咁又十一年！”鄭秀文津津樂道許志安，一直流露出幸福微笑。祝晚晚晚飯，飲得杯落。 高梁
|