森美：最誘惑係膊頭肌

森美：最誘惑係膊頭肌



森美承認冇興趣睇女仔

森美和洪天明主持剪綵

香港亞運首金體操王子石偉雄

森美及洪天明亮相開幕禮

去健身房齋睇男人

森美：最誘惑係膊頭肌

森美日前為健身室開幕擔任主禮司儀，其他嘉賓有洪天明、鄧智堅、潘紹聰、曾錦燊及香港首個體操亞運金牌得主石偉雄等。

熱愛運動的森美，去年偕三位朋友一同參加“HYROX香港賽2025”，今年計劃捲土重來，與中學同學參加二人賽，森美直言：“比賽完停咗操練，今年再參加，仲有幾個月可以練吓，以前靠自己試過拉胸拉傷條頸，而且未必搵到一間gym有咁齊全設施，呢度又有專業教練幫手，好適合！”

森美並沒有特別期待獲獎，主要想挑戰自己：“以前畀兩個月乜都做到，年紀大咗就唔能夠太心急，好在我做好多保健代言人，朝早做facial，下午去痛症中心，第二日再健身，如果做埋健身中心代言人就慳唔少！”森美承認，健身室“誘惑”多多：“我好唔專心，叫住自己唔好掛住望，但我睇男仔唔睇女仔，每一舊肌肉都尊重，全部用時間心機去練。我嘅膊頭肌肉好細，好羨慕啲大隻佬，女仔就唔好意思喇！”

自小儀告別商台，森美轉與阿正、Elsie主持《BadGirl大過佬》，他說已習慣與新拍檔合作：“年輕人好叻，我喺佢哋身上有返動力，我做咗電台三十年，唔係有咁多魄力，好攰想退休，佢哋好似啦啦隊，不斷同我講‘大哥加油’，否則我冇咁多動力，堅持每日做節目。”

小儀剛宣佈參演舞台劇，問到“森美小儀歌劇團”會否重現，森美透露：“睇我動力夠唔夠，小儀一直有演出，佢鍾意演戲，我就鍾意做搞手、導演、監製，一於我做幕後，佢做主角！”農曆新年將至，小儀剛榮陞人妻，森美會不會帶仔女向她利市？“係喎，冇諗過，你提醒咗我！咁多年小儀都問我攞利市，我都冇畀過，我鄉下規矩，唔派畀年紀大過我嘅人，但阮太（小儀媽咪）一直有畀利市我，今年起碼帶一對仔女去小儀利市！”

最近洪天明舉家移居深圳，一家四口適應情況理想，天明說：“香港同內地生活各有好處，小朋友都適應咗，以前佢哋讀國際學校，而家想喺深圳讀中文好難追，本地學校入唔到，但好在搵到間內地國際學校，中文程度畀佢哋慢慢追上，我覺得中文係世界語言，市場愈來愈大，好多地方用得到！”